СОНГОН ШАЛГАРУУЛАЛТЫН ЗАР

“Амгалан дулааны станц” ТӨХК-ийн гүйцэтгэх захирлын ажлын байранд нээлттэй сонгон шалгаруулалт зарлаж байна.

Тавигдах шаардлага:

• Инженер эсхүл эдийн засагч мэргэжилтэй байх
• Удирдах албан тушаалд 5-аас доошгүй жил ажилласан байх;
• Эрүүгийн хариуцлага хүлээгээгүй байх;
• Компанитай аливаа бизнесийн холбоогүй байх;

Бүрдүүлэх материал:

• Сонгон шалгаруулалтад оролцох хүсэлт;
• Анкет /Төрийн албан хаагчийн анкетыг бүрэн зөв бөглөх, 4х6 хэмжээтэй зураг заавал наасан байх/;
• Ажил байдлын тодорхойлолт;
• Нийгмийн даатгалын дэвтрийн хуулбар /e-mongolia лавлагаа/;
• Эрүүгийн хариуцлага хүлээж байсан эсэх тухай тодорхойлолт /e-mongolia лавлагаа/;
• Боловсролын диплом, үнэмлэх, бусад сургалт семинарт хамрагдсан гэрчилгээ, сертификатын хуулбар;
• Иргэний үнэмлэхийн хуулбар.

Сонгон шалгаруулалтын материал хүлээн авах хугацаа, газар:

Сонгон шалгаруулалтад оролцох нэр дэвшигчдийн материалыг 2026 оны 08  дүгээр сарын 05-ны өдрийн 16:00 цаг хүртэл Эрчим хүчний яам /Засгийн газрын XIV байр/-ны 3 давхар, 318 тоот, компанийн Төлөөлөн удирдах зөвлөлийн нарийн бичгийн дарга Д. Ганбаяр хүлээн авна. Холбогдох утас: 51-267076

Тест болон ярилцлагын шалгалт:

Эрчим хүчний яамны хурлын танхимд 2026 оны 08 дугаар сарын 07-ны өдрийн 14:00 цагт нэр дэвшигчээс тестийн шалгалт болон дараах агуулгын хүрээнд ярилцлага авна. Үүнд:

• Удирдан зохион байгуулах чадвар;
• Манлайлах чадвар;
• Багаар ажиллах чадвар

Анхаарах зүйлс:

• Материалыг битүүмжилсэн байх ба дугтуйн гадна талд сонгон шалгаруулалтад оролцогч иргэний оршин суух хаяг, холбоо барих утасны дугаарыг гаргацтай бичих;
• Материалыг сонгон шалгаруулалтын дараа буцаан олгохгүй;
• Хугацаа хоцорсон материалыг хүлээн авахаас татгалзана;
• Материалын бүрдэл дутуу тохиолдолд сонгон шалгаруулалтаас хасна.

“Амгалан дулааны станц” ТӨХК-ийн

Төлөөлөн удирдах зөвлөл

2026 оны 07 дүгээр сарын 30-ны өдөр